യൂസര് ഫീ കൃത്യമായി വാങ്ങിയിട്ടും പ്ലാസ്റ്റിക് മാലിന്യങ്ങള് നീക്കാന് നടപടിയില്ല
മികച്ച ശുചിത്വ പഞ്ചായത്തായ പൂതാടി പഞ്ചായത്തില് പ്ലാസ്റ്റിക് ബോട്ടിലുകള് ശേഖരിക്കാന് സ്ഥാപിച്ച ഇരുമ്പ് ബോക്സുകള് കുപ്പികള് നിറഞ്ഞ് കാടുമൂടിയ നിലയിലാണ്. കുപ്പികളും പ്ലാസ്റ്റിക് വസ്തുക്കളും നീക്കം ചെയ്യാന് മാസങ്ങളായി പഞ്ചായത്ത് അധികൃതര് നടപടി സ്വീകരിക്കുന്നില്ലെന്നാണ് നാട്ടുകാരുടെ പരാതി.കേണിച്ചിറ -പൂതാടി -കോട്ടവയല് – വരദൂര്റൂട്ടില്കോട്ടവയലിന് നടുവിലും ജംഗ്ഷനിലുമാണ്ബോട്ടില് ബൂത്ത് നിറഞ്ഞ് മാലിന്യങ്ങള് ചീഞ്ഞ് ചിതറി കിടക്കുന്നത് . വീടുകളില് നിന്നും കൃത്യമായി യൂസര് ഫീ വാങ്ങുന്ന പഞ്ചായത്ത് ഹരിത കര്മ്മ സേനാംഗങ്ങള് പ്ലാസ്റ്റിക് ബുത്തുകളിലെ വസ്തുക്കള് അടിയന്തിരമായി നീക്കം ചെയ്യണമെന്നാണ് നാട്ടുകാരുടെ ആവശ്യം .
