സീതാ ലവകുശ ക്ഷേത്രത്തിന് സമീപം കണ്ടെത്തിയ മൃതദേഹം തിരിച്ചറിഞ്ഞു. ഒന്നര മാസം മുമ്പ് കാണാതായ പുല്പ്പള്ളി മണ്ഡപന്മൂല അശോകവിലാസത്തില് രത്നാകരന്റെതാണ് മൃതദേഹമെന്ന് ബന്ധുക്കള് തിരിച്ചറിഞ്ഞു. മൃതദേഹത്തിന് സമീപത്തുനിന്ന് വിഷക്കുപ്പി കണ്ടെടുത്തിട്ടുണ്ട്. കഴിഞ്ഞ ഓഗസ്റ്റ് നാലിനാണ് രത്നാകരനെ വീട്ടില്നിന്നും കാണാതായത്. അന്നേദിവസം ഇയാള് പുല്പള്ളിയിലേക്ക് ബസ്സില് യാത്ര ചെയ്യുന്നതിന്റെ സി.സി.ടി.വി. ദൃശ്യങ്ങള് ലഭിച്ചിരുന്നു. ബന്ധുക്കളുടെ പരാതിയില് പോലീസ് കേസെടുത്ത് അന്വേഷണം നടത്തിവരുന്നതിനിടെയാണ് മൃതദേഹം കണ്ടെത്തിയത്.
