സുല്‍ത്താന്‍ബത്തേരി കാര്‍ഷിക ഗ്രാമവികസന ബാങ്ക് ഭരണസമിതി നടത്താന്‍ നിശ്ചയിച്ച ലേല നടപടികള്‍ റികോള്‍ ചെയ്യണമെന്ന് കേരളപ്രദേശ് കര്‍ഷക കോണ്‍ഗ്രസ് സംസ്ഥാന, ബ്ലോക്ക് കമ്മറ്റി നേതാക്കള്‍ വാര്‍ത്താസമ്മേളനത്തില്‍ ആവശ്യപ്പെട്ടു. നടപടികളില്‍ നിന്ന് ബാങ്ക് പിന്‍മാറിയില്ലെങ്കില്‍ കര്‍ഷക ലേലം തടയുമെന്നും, ഭൂമികള്‍ കര്‍ഷക കോണ്‍ഗ്രസ് ഏറ്റെടുക്കുമെന്നും ഭാരവാഹികള്‍ പറഞ്ഞു. ബാങ്ക് ഡയറക്ടര്‍മാര്‍ ബോര്‍ഡ് ചേര്‍ന്ന് നടപടികള്‍ റദ്ദ് ചെയ്തില്ലെങ്കില്‍ ഈ മാസം 24ന് നടക്കുന്ന ലേലത്തില്‍ ഉണ്ടാക്കുന്ന എല്ലാപ്രശ്നങ്ങളുടെയും ഉത്തരവാദിത്വം കാര്‍ഷിക ഗ്രാമ വികസന ബാങ്ക് ഭരണസമിതിക്കായിരിക്കുമെന്നും ഭാരവാഹികള്‍ പറഞ്ഞു.
