മീനങ്ങാടി പോലീസ് സ്റ്റേഷന്‍ പരിധിയിലെ ലോക് വ്യൂ റിസോര്‍ട്ടില്‍ അതിക്രമിച്ച് കയറി റിസോര്‍ട്ട് ഉടമയായ ജോണ്‍ തോമസിനെ വധിക്കാന്‍ ശ്രമിക്കുകയും റിസോര്‍ട്ടില്‍ ഒന്നര ലക്ഷം രൂപയുടെ നഷ്ടങ്ങള്‍ വരുത്തുകയും ചെയ്ത കേസില്‍ മൂന്ന് പേരെ കൂടി പോലീസ് അറസ്റ്റു ചെയ്തു. വാഴവറ്റ പുതിയതോട്ടത്തില്‍ അബിന്‍ പി.വര്‍ഗ്ഗീസ് (28), വാഴവറ്റ കടവയല്‍ ബിജു (43), മൈലമ്പാടി പുതുപറമ്പില്‍ സാബു (46) എന്നിവരാണ് അറസ്റ്റിലായത്. ഇവരെ കൂടാതെ 6 പേരെകൂടി പോലീസ് നേരത്തെ അറസ്റ്റ് ചെയ്തിരുന്നു. കേസില്‍ പോലീസ് അന്വേഷണം തുടരുകയാണ്.
