കല്‍പ്പറ്റ ഗവ.വൊക്കേഷണല്‍ ഹയര്‍സെക്കണ്ടറി സ്‌കൂള്‍ നവതി ആഘോഷങ്ങളുടെ ഭാഗമായി നടത്തപ്പെടുന്ന കൂട്ടയോട്ടം കല്‍പ്പറ്റ പുതിയ ബസ്റ്റാന്റ് പരിസരത്തു നിന്ന് ഇന്ന് ഉച്ചകഴിഞ്ഞ് 3:30ന് ആരംഭിക്കും. കൂട്ടയോട്ടം മുണ്ടേരി സ്‌കൂളില്‍ സമാപിക്കും. ജില്ലാ പോലീസ് മേധാവി കറുപ്പുസ്വാമി ഐ.പി.എസ് പരിപാടി ഉദ്ഘാടനം ചെയ്യും. സ്റ്റുഡന്റ് പോലീസ് കേഡറ്റുകള്‍, നാഷണല്‍ സര്‍വ്വീസ് സ്‌കീം, ജൂനിയര്‍ റെഡ്ക്രോസ്, ഗൈഡ്സ്, അധ്യാപകര്‍, പി.ടി.എ അംഗങ്ങള്‍, പൂര്‍വ്വ വിദ്യാര്‍ത്ഥികള്‍, നവതി കമ്മിറ്റി അംഗങ്ങള്‍ തുടങ്ങിയവര്‍ പ്രകൃതിയെ സ്നേഹിച്ച് ഭൂമിയുടെ മുറിവുണക്കാം എന്ന സന്ദേശം ഉയര്‍ത്തിക്കൊണ്ടുള്ള കൂട്ടയോട്ടത്തില്‍ പങ്കെടുക്കും.
