കേരള തമിഴ്‌നാട് അതിര്‍ത്തി നമ്പ്യാര്‍കുന്ന് ഐനിപുര കാട്ടുനായ്ക്ക കോളനിയിലെ ഭാസ്‌ക്കരന്‍ (55) നാണ് പരുക്കേറ്റത്. ഇന്ന് രാത്രി 7.30 ടെ കോളനിക്ക് സമീപത്ത് വെച്ചാണ് കാട്ടാന ആക്രമിച്ചത്. ആക്രമണത്തില്‍ ഭാസ്‌ക്കരന്റെ കൈക്കും കാലിനും സാരമായ പരുക്കേറ്റു. കടയില്‍ നിന്ന് സാധനങ്ങള്‍ വാങ്ങി വീട്ടിലേക്ക് മടങ്ങുമ്പോഴാണ് ആക്രമണം ഉണ്ടായത്. കോളനിക്കാര്‍ ബഹളം വച്ചതോടെ ആന പിന്തിരിയുകയായിരുന്നു. ഗുരുതര പരുക്കേറ്റ ഭാസ്‌ക്കരനെ തമിഴ് നാട് വനം വകുപ്പെത്തി പന്തല്ലൂര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
