ബത്തേരി നഗരസഭ പരിധിയില്‍ വരുന്ന പാര്‍പ്പിടാവശ്യങ്ങള്‍ക്കുള്ള വസ്തു നികുതിയാണ് ഏകീകരിച്ച് കൗണ്‍സില്‍ തീരുമാനമായത്. നഗരസഭയായി മാറിയതിനു ശേഷം വീടുകള്‍ക്ക് മീറ്റര്‍ സ്‌ക്വയറിന് പത്തു രൂപയും ക്വാര്‍ട്ടേഴ്സ്, അപ്പാര്‍ട്ടുമെന്റുകള്‍ എന്നിവയ്ക്ക് 30 രൂപ വീതവുമാണ് വസ്തു നികുതി ഈടാക്കായിരുന്നത്. എന്നാല്‍ നിയമ പ്രകാരം പാര്‍പ്പിടാവശ്യങ്ങള്‍ക്ക് മീറ്റര്‍ സ്‌ക്വയറിന് പത്തു രൂപ തോതിലെ നികുതി ഈടാക്കാവു എന്ന് സെക്രട്ടറി കൗണ്‍സിലിനെ അറിയിച്ചു. അതിന്റെ അടിസ്ഥാനത്തിലാണ് വീടുകള്‍, ക്വാര്‍ട്ടേഴ്സുകള്‍, അപ്പാര്‍ട്ടുമെന്റുകള്‍ എന്നിവ വേര്‍തിരിക്കാതെ നഗരസഭ പരിധിയിലെ പാര്‍പ്പിടാവശ്യങ്ങള്‍ക്ക് നികുതി മീറ്റര്‍ സ്‌ക്വയറിന് പത്തു രൂപയായി ഏകീകരിക്കാന്‍ കൗണ്‍സില്‍ തീരുമാനിച്ചത്. ഇതോടൊപ്പം പത്തു ശതമാനം സര്‍വ്വീസ് ടാക്സും ഈടാക്കും.
