2021 ജൂണ്‍ 10ന് രാത്രി എട്ട് മണിക്കാണ് താഴെ നെല്ലിയമ്പത്ത് അധ്യാപക ദമ്പതികളായ കേശവന്‍ മാസ്റ്റര്‍ ഭാര്യ പത്മാവതി എന്നിവരെ ആയുധവുമായെത്തിയ പ്രതി കുത്തി കൊലപ്പെടുത്തിയത് .പനമരം പോലീസ് രജിസ്റ്റര്‍ ചെയ്ത കേസിലെ അന്വേഷണത്തിലാണ് അയല്‍വാസിയായ യുവാവ് അര്‍ജുനനെ അറസ്റ്റ് ചെയ്തത്. 22 മാസങ്ങള്‍ക്ക് ശേഷമാണ് കല്‍പ്പറ്റ അതിവേഗ കോടതി രണ്ടില്‍ വിചാരണ തുടങ്ങുന്നത്. ഇന്ന് ജഡ്ജി അവധിയിലായിരുന്നതിനാല്‍ വിചാരണ തുടങ്ങുന്നത് നാളത്തേക്കാണ് മാറ്റിയിട്ടുള്ളത് .പ്രോസിക്യൂഷന് വേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ സണ്ണി പോളും പ്രതി അര്‍ജുനന് വേണ്ടി അഡ്വ.പി.ജെ.ജോര്‍ജും ഹാജരാകും.
