വാളവയല്‍ ഗവ: ഹൈസ്‌കൂള്‍ 57-ാംമത് വാര്‍ഷികാഘോഷവും സര്‍വ്വീസില്‍ വിരമിക്കുന്ന അധ്യാപകര്‍ക്ക് യാത്രയയപ്പും, സ്‌കൂള്‍ ചുറ്റുമതില്‍ ഉദ്ഘാടനവും വിവിധ പരിപാടികളോടെ സംഘടിപ്പിച്ചു.വാര്‍ഷികാഘോഷത്തോടനുബന്ധിച്ച് ഗുരുവന്ദനം,പഠനോത്സവം,ഗോത്രോത്സവം പെണ്‍കുട്ടികള്‍ക്കുള്ള വിശ്രമകേന്ദ്രം,വിദ്യാര്‍ത്ഥികളുടെ കലാപരിപാടി എന്നിവയും നടത്തി.എംഎല്‍എ,ഐ.സി ബാലകൃഷ്ണന്‍ ഉദ്ഘാടനം ചെയ്തു.സര്‍വ്വീസില്‍ നിന്ന് വിരമിക്കുന്ന അന്നക്കുട്ടി ടീച്ചര്‍, കെ.പി അജിത ടീച്ചര്‍ എന്നിവര്‍ക്ക് ഉപഹാര സമര്‍പ്പണവും,പൂര്‍വ്വ അധ്യാപകരെ ആദരിക്കല്‍ ചടങ്ങും നടത്തി.പഞ്ചായത്ത് പ്രസിഡന്റ് മേഴ്‌സി സാബു,ജില്ലാ പഞ്ചായത്തംഗം ഉഷ തമ്പി,ബ്ലോക്ക് പഞ്ചായത്തംഗം ഇ.കെ ബാലകൃഷ്ണന്‍, ശ്രീകല ശ്യാം,പ്രധാന അധ്യാപകന്‍ വിനോദ് കുമാര്‍ , പിടിഎ പ്രസിഡന്റ് എം കെ സജീവന്‍ , ബി അനീഷ്,ശരണ്യ ബിനീഷ്,ടി.ആര്‍ രാജീവ് തുടങ്ങിയവര്‍ സംസാരിച്ചു.
