കാവുംമന്ദം: വിദ്യാര്‍ത്ഥികളുടെ അമ്മൂമ്മമാരുടെ സംഗമ വേദിയൊരുക്കി തരിയോട് ജി.എല്‍.പി സ്‌കൂളില്‍ സംഘടിപ്പിച്ച മുത്തശ്ശിക്കൂട്ടം പരിപാടി സ്നേഹത്തിന്റെയും കരുതലിന്റെയും നേര്‍സാക്ഷ്യങ്ങളായി. 60 വയസ്സ് മുതല്‍ 85 വയസ്സ് വരെയുള്ള മുത്തശ്ശിമാര്‍ പങ്കെടുത്ത മുത്തശ്ശിക്കൂട്ടം പരിപാടി കല്‍പ്പറ്റ ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ജിന്‍സി സണ്ണി ഉദ്ഘാടനം ചെയ്തു. പി.ടി.എ പ്രസിഡണ്ട് ഷമീം പാറക്കണ്ടി അധ്യക്ഷത വഹിച്ചു. വിദ്യാഭ്യാസ വിദഗ്ദന്‍ കെ.എച്ച് ജറീഷ് മുഖ്യപ്രഭാഷണം നടത്തി. ക്രിസ്തുമസ് മധുരം നല്‍കിയും കലാപരിപാടികള്‍ അവതരിപ്പിച്ചും അനുഭവങ്ങള്‍ പങ്ക് വെച്ചു.
