കല്‍പ്പറ്റ മണിയങ്കോട് വിസ്പര്‍ വുഡ് റിസോര്‍ട്ടിന്റെ നടത്തിപ്പുകാരന്‍ ബത്തേരി തൊവരിമല കൊച്ചുവീട്ടില്‍ നെബു വിന്‍സെന്റിന്റെ കൊലപാതകിയെ പോലീസ് അറസ്റ്റ് ചെയ്തു. മീനങ്ങാടി ഹൗസിംഗ് കോളനി ജയ നിവാസ് രാജു(60)വിനെയാണ് കല്‍പ്പറ്റ പോലീസ് അറസ്റ്റ് ചെയ്തത്. രാജുവിന്റെ കൂടെയുണ്ടായിരുന്ന കൊളഗപ്പാറ ആവയല്‍ സ്വദേശി അനിലിനെതിരെയും കേസെടുത്തു. ഇയ്യാള്‍ കൃത്യം നടക്കുന്നതിനിടെ പരുക്കേറ്റ് ചികിത്സയിലാണുള്ളത്. രാജുവിന്റെ സ്വകാര്യ ജീവിതവുമായി ബന്ധപ്പെട്ട പ്രശ്നങ്ങളാണ് നെബുവിന്റെ കൊലപാതകത്തിലേക്ക് നയിച്ചതെന്ന് പോലീസ്.
