വാളാട് പി.എച്ച്.സി.ക്ക് പുതിയ ആംബുലന്‍സ് സൗകര്യം ഏര്‍പ്പെടുത്തി തവിഞ്ഞാല്‍ ഗ്രാമ പഞ്ചായത്ത്.വാര്‍ഷിക പദ്ധതിയില്‍ 22 ലക്ഷം രൂപ ചിലവഴിച്ചാണ് പുതിയ ആംബുലന്‍സ് വാങ്ങിയത് .വാഹനത്തിന്റെ താക്കോല്‍ ഗ്രാമപഞ്ചായത്ത് പ്രസിഡന്റ് എല്‍സി ജോയിയും സെക്രട്ടറി ജയരാജും എന്‍.എച്ച് എം – ഡി.പി എം ഡോ. സെമീഹ സെയ്തലവിക്ക് കൈമാറി.
ഗ്രാമപഞ്ചായത്ത് വൈസ് പ്രസിഡന്റ് പി.എം. ഇബ്രാഹീം, സ്ഥിരം സമിതി അധ്യക്ഷമാരായ ലൈജി തോമസ്, റോസമ്മ ബേബി, ഗ്രാമ പഞ്ചായത്ത് മെമ്പര്‍മാരായ എം.ജി.ബിജു, ടി.കെ. അയ്യപ്പന്‍, വാളാട് പി.എച്ച്.സി മെഡിക്കല്‍ ഓഫീസര്‍ ഡോ. സുനന്ദ് കുമാര്‍ തുടങ്ങിയവര്‍ സംസാരിച്ചു.
