ചെറിയൊരു ഇടവേളയ്ക്ക് ശേഷമാണ് പാതിരി സൗത്ത് സെക്ഷന്‍ വനത്തില്‍ നിന്ന് കാട്ടാനകള്‍ കൂട്ടത്തോടെ കൃഷിയിടങ്ങളിലേക്ക് ഇറങ്ങി കൃഷി നാശം വരുത്തുന്നത്.കഴിഞ്ഞ ദിവസം നടവയല്‍ പ്രദേശത്ത് ഇറങ്ങിയ കാട്ടാന ഐക്കര തോമസിന്റേതടക്കം ഒട്ടേറെ കര്‍ഷകരുടെ കൃഷികള്‍ നശിപ്പിച്ചു.വനം വകുപ്പ് വനാതിര്‍ത്തിയിലും കര്‍ഷകര്‍ കൃഷിയിടത്തിന് ചുറ്റും സ്ഥാപിച്ച വൈദ്യുത വേലിയും തകര്‍ത്താണ് കാട്ടാന കൃഷിയിടത്തിലിറങ്ങുന്നത്.പൂതാടി പഞ്ചായത്തില്‍ നെയ്ക്കുപ്പ,കക്കോടന്‍ ബ്ലോക്ക് അടക്കമുളള പ്രദേശങ്ങളില്‍ കാട്ടാന ശല്യം മൂലം കൃഷി ഉപേക്ഷിക്കേണ്ട അവസ്ഥയാണ്.
