കണിയാമ്പറ്റ ഗ്രാമ പഞ്ചായത്ത് ചിത്രമൂല ഉപതെരഞ്ഞടുപ്പില്‍ 83.62 ശതമാനം പോളിംഗ് രേഖപ്പെടുത്തി. വോട്ടെണ്ണല്‍ നാളെ. പ്രതീക്ഷയോടെ സ്ഥാനാര്‍ത്ഥികള്‍. 2020നെക്കാള്‍ മികച്ച പോളിംഗാണ് ചിത്രമൂലയില്‍ ഇന്ന് നടന്നത്. 1258 വോട്ടര്‍മാരില്‍ 1052 പേര്‍ വോട്ട് രേഖപ്പെടുത്തി. 83.62 ശതമാനം പേരും സമ്മതിദാനം വിനിയോഗിച്ചു. മുസ്ലിം ലീഗിലെ റഷീദ് കമ്മിച്ചാല്‍, സി.പി.എമ്മിലെ പ്രവീണ്‍ കുമാര്‍, ബി.ജെ.പിയിലെ രമ വിജയന്‍ തുടങ്ങിയവരാണ് പ്രധാനമായും മത്സര രംഗത്തുള്ളത്. ജയവും പരാജയവും ഗ്രാമ പഞ്ചായത്തിന്റെ ഭരണ സാരഥ്യത്തെ ബാധിക്കില്ലെങ്കിലും കഴിഞ്ഞ തെരഞ്ഞെടുപ്പില്‍ കേവലം 24 വോട്ടുകള്‍ക്ക് തങ്ങള്‍ക്ക് കൈ വിട്ടു പോയ വാര്‍ഡ് തിരിച്ചു പിടിക്കാനാണ് യു.ഡി.എഫ് ശ്രമം. അതേസമയം മരണപ്പെട്ട ശശിധരന്റെ വാര്‍ഡ് നിലനിര്‍ത്താനാവുമെന്നാണ് എല്‍.ഡി.എഫ് പ്രതീക്ഷ.വോട്ടെണ്ണല്‍ നാളെ രാവിലെ 10 മണിക്ക് കണിയാമ്പറ്റ ഗവണ്‍മെന്റ് യു.പി.സ്‌കൂളില്‍ നടക്കും
