മേപ്പാടിയിലെ മാധ്യമ പ്രവര്‍ത്തകന്‍ സി കെ ചന്ദ്രന്റെ പേരില്‍ പോലീസ്‌കേസ്സെടുത്തത് മാധ്യമ സ്വാതന്ത്യത്തിനു നേരെയുള്ള കടന്നുകയറ്റമാണെന്ന് കേരള മീഡിയ പേഴ്‌സണ്‍സ് യൂണിയന്‍ ജില്ലാ കമ്മറ്റി ചൂണ്ടിക്കാട്ടി. മാധ്യമ പ്രവര്‍ത്തനത്തിന്റെ ഭാഗമായാണ് അദ്ദേഹം കോട്ടപ്പടി വില്ലേജിലെത്തിവാര്‍ത്ത റിപ്പോര്‍ട്ട് ചെയ്തത്. എന്നാല്‍ വില്ലേജ് ഓഫീസറുടെ കൃത്യ നിര്‍വ്വഹണം തടസ്സപ്പെടുത്തി എന്ന പേരിലാണ് പോലീസ് കേസ്സെടുത്തിരിക്കുന്നത്. ഇത് അംഗീകരിക്കാനാവില്ല. ഈ വിഷയം മുഖ്യമന്ത്രിയുടെശ്രദ്ധയില്‍പ്പെടുത്തിയിട്ടുണ്ട്. യോഗത്തില്‍ ജില്ലാ പ്രസിഡണ്ട് രാജു മുട്ടില്‍,സെക്രട്ടറി എ സി ബൈജു, ജില്ലാ കമ്മറ്റി അംഗങ്ങളായ മനോജ് ചുള്ളിയോട്, ബിജു കേണിച്ചിറ, ഫിറോസ്, ബിന്ദു ബാബു, ശ്രാവണ്‍സിറിയക്ക്, കെ. ജെ ജോബി, സംസ്ഥാന ജോ. സെക്രട്ടറി സി ഡി ബാബു,എന്നിവര്‍ സംസാരിച്ചു.
