പാതിരി വനത്തില്‍ കുടുക്കുവച്ച് പുള്ളിമാനെ വേട്ടയാടിയ സംഘത്തിലെ ഒരാളെ വനപാലകര്‍ പിടികൂടി. പെരിക്കല്ലൂര്‍ കാട്ടുനായ്ക കോളനിയിലെ മാതന്റെ മകന്‍ ഷിജു (45 ) നെയാണ് വനപാലക സംഘം പിടികൂടിയത്. ഇയാളില്‍ നിന്നു പാകം ചെയ്ത ഇറച്ചി, ഉണങ്ങിയ ഇറച്ചി, വേട്ടയ്ക്കുപയോഗിക്കുന്ന സാമഗ്രികള്‍ എന്നിവയും പിടിച്ചെടുത്തു. പെരിക്കല്ലൂര്‍ കേന്ദ്രികരിച്ചുള്ള സംഘത്തിലെ അംഗമാണ് ഷിജു. ഈ സംഘം അതിര്‍ത്തി വന പ്രദേശത്ത് നടത്തിയ മൃഗ വേട്ടകളെക്കുറിച്ചും പ്രതി മൊഴി നല്‍കിയിട്ടുണ്ട്. തുടര്‍ അന്വഷണവും ഊര്‍ജിതമാക്കി.
ചെതലയം റേഞ്ച് ഓഫിസര്‍ കെ.പി. അബ്ദുല്‍ സമദ്, ഡെപ്യുട്ടി റേഞ്ച് ഓഫിസര്‍ പി.പി. മുരളിധരന്‍, ഫോറസ്റ്റര്‍ മാരായ കെ.യു. മണികണ്ഠന്‍, എ.കെ. സിന്ധു . ബി.എഫ്. ഒ. മാരായ താരാനാഥ് , ഇ.പി. ശ്രീജിത്, അജിത് കുമാര്‍, സതീശന്‍ എന്നിവരാണ് നായാട്ടു കേസ് പിടികൂടിയത്.
