പൊഴുതന 2019 ജനുവരി 26 ന് തുടങ്ങുന്ന അഖില കേരള സെവന്‍സ് ഫുട്ബോള്‍ ടൂര്‍ണമെന്റിന്റെ ഭാഗമായി പെരിങ്കോട ലേബര്‍ ക്ലബ്ബിന്റെ നേതൃത്വത്തില്‍ രക്ത ഗ്രൂപ്പ് നിര്‍ണ്ണയ ക്യാമ്പും ക്ലബ്ബിന്റെ മുന്‍കാല കളിക്കാരെ ആദരിക്കല്‍ ചടങ്ങും സംഘടിപ്പിച്ചു. ദേശീയ ഡ്യൂബോള്‍ ടീമംഗമായി തിരഞ്ഞെടുത്ത രമ്യയെ ചടങ്ങില്‍ ആദരിച്ചു. ക്ലബ്ബ് രക്ഷാധികാരികളായ സി.എച്ച് മമ്മി, കെ.ജെ ജോണ്‍, യു. കുഞ്ഞിമുഹമ്മദ്, കുഞ്ഞാപ്പ, പി. കോയാമു എന്നിവര്‍ പങ്കെടുത്തു. ക്ലബ് സെക്രട്ടറി ഇ ഷാജി സ്വാഗതവും സുരേഷ് നന്ദിയും പറഞ്ഞു.
