കളഞ്ഞ്കിട്ടിയ മാല തിരിച്ചേല്‍പ്പിച്ച് മാതൃകയായി ബത്തേരിയിലെ ചുമട്ട് തൊഴിലാളികള്‍. ഇന്ന് രാവിലെ ബത്തേരി കാഞ്ഞിരാണ്ടിക്ക് സമീപത്തുനിന്നും വീണുകിട്ടിയ രണ്ട് പവന്റെ മാലയാണ് ഉടമ ചീരാല്‍ സ്വദേശി ആന്‍സിക്ക് തിരിച്ചുനല്‍കിയത്. കിട്ടിയമാല തൊഴിലാളികള്‍ ബത്തേരി പോലീസ് സ്റ്റേഷനില്‍ എല്‍പ്പിക്കുകയായിരുന്നു. ഇവിടെയെത്തി സബ് ഇന്‍സ്പെക്ടര്‍ കുമാരനില്‍ നിന്നുമാണ് ആന്‍സി മാല ഏറ്റുവാങ്ങി. ചുമട്ട് തൊഴിലാളികളായ കെ എച്ച് അബ്ദുള്‍സമദ്, പി കെ ഷമീര്‍, അജീഷ്, മുഹമ്മദ്കുട്ടി എന്നിവരുടെ നേതൃത്വത്തിലാണ് മാല സ്റ്റേഷനിലേല്‍പ്പിച്ചത്.
