ഫാർമസിസ്റ്റ് നിയമനം
ജില്ലാ ഹോമിയോ മെഡിക്കൽ ഓഫീസിന് കീഴിൽ പ്രവർത്തിക്കുന്ന ഹോമിയോ ഡിസ്‌പെൻസറി/ ആശുപത്രികളിലേക്ക് ഫാർമസിസ്റ്റ് ഗ്രേഡ് രണ്ട് തസ്തികയിൽ താൽക്കാലിക നിയമനം നടത്തുന്നു. എസ്എസ്എൽസി, എൻസിപി (ഹോമിയോ നഴ്സ് കം ഫാർമസി)/ സിസിപി (ഹോമിയോ ഫാർമസി സർട്ടിഫിക്കറ്റ് കോഴ്സ്) ആണ് യോഗ്യത. വിദ്യാഭ്യാസ യോഗ്യത, പ്രവർത്തി പരിചയ സർട്ടിഫിക്കറ്റ്, തിരിച്ചറിയൽ രേഖ എന്നിവയുടെ അസലും സ്വയം സാക്ഷ്യപെടുത്തിയ പകർപ്പുമായി ജൂൺ 27 രാവിലെ 10 ന് സിവിൽ സ്റ്റേഷൻ എ ബ്ലോക്ക് രണ്ടാം നിലയിൽ പ്രവർത്തിക്കുന്ന ജില്ലാ ഹോമിയോ മെഡിക്കൽ ഓഫീസിൽ എത്തണം. ഫോൺ: 04936 205949.
താൽക്കാലിക നിയമനം
വയനാട് പാക്കേജ് പ്രൊജക്റ്റ് ഇംപ്ലിമെന്റെഷൻ യൂണിറ്റിൽ പ്രൊജക്റ്റ് മാനേജർ, ഡാറ്റ എൻട്രി ഓപ്പറേറ്റർ തസ്തിയിൽ താൽക്കാലിക നിയമനം നടത്തുന്നു. പ്രൊജക്റ്റ് മാനേജർ തസ്തികയിൽ ടെക്നിക്കൽ ബിടെക് സിവിലും
ഡാറ്റ എൻട്രി ഓപ്പറേറ്റർ തസ്തികയിൽ ഡിഗ്രി, ഡിസിഎ (കമ്പ്യൂട്ടർ ആപ്ലിക്കേഷൻ ഡിപ്ലോമ) ആണ് യോഗ്യത. പ്രവർത്തി പരിചയമുള്ളവർക്ക് മുൻഗണന. ജൂൺ 25 നകം അപേക്ഷിക്കണം. ഫോൺ: 04936 202626.
ഫാർമസിസ്റ്റ് നിയമനം
മുള്ളൻകൊല്ലി കുടുംബാരോഗ്യ കേന്ദ്രത്തിൽ താൽക്കാലിക അടിസ്ഥാനത്തിൽ ഫാർമസിസ്റ്റ് നിയമനം നടത്തുന്നു.
ഫാർമസി കൗൺസിൽ രജിസ്ട്രേഷനോടെ ബിഫാം അല്ലെങ്കിൽ ഡിഫാം ആണ് യോഗ്യത.
മുള്ളൻങ്കൊല്ലി ഗ്രാമപഞ്ചായത്തിൽ താമസിക്കുന്നവർക്ക് മുൻഗണന. സർട്ടിഫിക്കറ്റുകളുടെ അസലും പകർപ്പും സ്വയം സാക്ഷ്യ പ്പെടുത്തിയ ബയോഡേറ്റയും സഹിതം ജൂൺ 25 ഉച്ച രണ്ടിന് മുള്ളൻകൊല്ലി ഗ്രാമപഞ്ചായത്തിൽ നടക്കുന്ന കൂടിക്കാഴ്ചയിൽ പങ്കെടുക്കണം. ഫോൺ: 04936 234799.
വിദ്യാഭ്യാസ ധനസഹായത്തിന് അപേക്ഷിക്കാം
സംസ്ഥാന കെട്ടിട നിർമ്മാണ തൊഴിലാളി ക്ഷേമ ബോർഡ് അംഗങ്ങളുടെ മക്കൾക്ക് വിദ്യാഭ്യാസ ധനസഹായത്തിന് അപേക്ഷിക്കാം.
എസ്എസ്എൽസി പഠനസഹായത്തിന് ജൂലൈ 1 മുതൽ 31 വരെയും ക്യാഷ് അവാർഡിന് ആഗസ്റ്റ് 31 വരെയും അപേക്ഷ നൽകാം.
ഉന്നത വിദ്യാഭ്യാസ സ്കോളർഷിപ്പിനുളള അപേക്ഷ ക്ലാസ്സ് ആരംഭിച്ച് 45 ദിവസത്തിനകം നൽകണം. ഇതിനോടകം ക്ലാസ്സ് ആരംഭിച്ചിട്ടുളള കോഴ്‌സുകൾക്കുള്ള സ്കോളർഷിപ്പിന് ആഗസ്റ്റ് അഞ്ച് വരെ അപേക്ഷ സ്വീകരിക്കും. അർഹരായ അംഗങ്ങൾ അപേക്ഷ ഫോം അനുബന്ധ രേഖകൾ സഹിതം കൽപ്പറ്റയിലുളള ജില്ലാ ഓഫീസിൽ എത്തിക്കണം. ഫോൺ: 04936 204490.
