കോഴിക്കോട് ജില്ലാ പഞ്ചായത്തിന്റെ നേതൃത്വത്തില്‍ സ്നേഹ സ്പര്‍ശം കിഡ്നി പേഷ്യന്റ് വെല്‍ഫെയര്‍ സൊസൈറ്റി വയനാട് ജില്ലയിലെ കിഡ്നി രോഗികള്‍ക്ക് നല്‍കുന്ന ഡയാലിസിസ് കിറ്റ് കൈമാറി. കോഴിക്കോട് ജില്ലാ പഞ്ചായത്ത് പ്രസിഡണ്ട് ബാബു പാറശ്ശേരി സി.കെ ശശീന്ദ്രന്‍ എം.എല്‍.എക്കാണ് കിറ്റ് കൈമാറിയത്. ജില്ലയിലെ 200 ഓളം കിഡ്നി രോഗികള്‍ക്കായി 10 ലക്ഷം രൂപയുടെ ഡയാലിസിസ് കിറ്റാണ് നല്‍കിയത്. ബ്ലോക്ക് പഞ്ചായത്ത് പ്രസിഡണ്ട് ഉഷാ തമ്പി അദ്ധ്യക്ഷത വഹിച്ചു. എം.ഒ ദേവസ്യ, ജിന്‍സി സണ്ണി, സൈദ്, സ്നേഹ സ്പര്‍ശം കിഡ്നി പേഷ്യന്റ് വെല്‍ഫെയര്‍ സൊസൈറ്റി ജോയിന്റ് കണ്‍വീനര്‍ സനദ് എടക്കര, ചന്ദ്രഹാസന്‍, സുബൈര്‍ തുടങ്ങിയവര്‍ സംബന്ധിച്ചു.
