എന്‍ഡോസള്‍ഫാന്‍ ദുരിത ബാധിതര്‍ക്ക് മുടങ്ങികിടക്കുന്ന പെന്‍ഷന്‍തുക ഓണത്തിനുമുമ്പ് വിതരണം ചെയ്യുക എന്ന മുദ്രാവാക്യമുയര്‍ത്തി എന്‍ഡോസള്‍ഫാന്‍ പീഡിത ഐക്യദാര്‍ഢ്യ സമിതി ജില്ലാകമ്മറ്റിയുടെ നേതൃത്വത്തില്‍ ഉപവാസ സമരം നടത്തി. ബത്തേരി സ്വതന്ത്രമൈതാനിയില്‍ സംഘടിപ്പിച്ച പ്രതിഷേധ പരിപാടി സംസ്ഥാന വൈസ് ചെയര്‍മാന്‍ എന്‍ ബാദുഷ ഉല്‍ഘാടനം ചെയ്തു. സമിതി പ്രവര്‍ത്തകന്‍ മുഹമ്മദ് ഷരീഫ് അധ്യക്ഷനായി. തോമസ് അമ്പലവയല്‍, വി കെ സദാനന്ദന്‍, ബാബു മൈലമ്പാടി, പി എം സുരേഷ് തുടങ്ങിയവര്‍ സംസാരിച്ചു.
