രഹസ്യ വിവരത്തെ തുടര്‍ന്ന് വൈത്തിരിയില്‍ നടത്തിയ വാഹന പരിശോധനയില്‍ മാരക മയക്കുമരുന്നുമായി യുവാവ് പിടിയില്‍.കോട്ടപ്പടി ചുണ്ട വീട്ടിക്കാട് ആനപ്പാറ പൂക്കുന്നത്ത് വീട്ടില്‍ പി.ഹര്‍ഷാദ് അലി (28) ആണ് പിടിയിലായത്. 250 മില്ലീഗ്രാം എം.ഡി.എം.എയും ഇയാള്‍ സഞ്ചരിച്ച ബൈക്കും കസ്റ്റഡിയിലെടുത്തു.എന്‍.ഡി.പി.എസ് വകുപ്പ് പ്രകാരം കേസ് രജിസ്റ്റര്‍ ചെയ്തു.വയനാട് ജില്ലാ പോലീസ് മേധാവിയുടെ കീഴില്‍ പ്രവര്‍ത്തിക്കുന്ന ലഹരി വിരുദ്ധ സേനാംഗങ്ങളും വൈത്തിരി എസ്.ഐ.സി.രാംകുമാറും സംഘവും നടത്തിയ പരിശോധനയിലാണ് ഇയാള്‍ പിടിയിലായത്.
