സംസ്ഥാന അദ്ധ്യാപക അവാര്‍ഡിന് അപേക്ഷ ക്ഷണിച്ചു
2021 – 22 വര്‍ഷത്തെ സംസ്ഥാന അദ്ധ്യാപക അവാര്‍ഡിന് പ്രൈമറി, സെക്കന്ററി വിഭാഗത്തിലുള്ള അദ്ധ്യാപകരില്‍ നിന്നും അപേക്ഷ ക്ഷണിച്ചു. പ്രധാനാദ്ധ്യാപകര്‍ക്ക് 20 വര്‍ഷവും മറ്റ് അദ്ധ്യാപകര്‍ക്ക് 15 വര്‍ഷവും പൂര്‍ത്തിയായിരിക്കണം. അര്‍ഹരായ അദ്ധ്യാപകര്‍ നിശ്ചിത പ്രൊഫോര്‍മയില്‍ തയ്യാറാക്കിയ 4 പകര്‍പ്പ് പ്രൊപ്പോസ്സലുകള്‍, 3 മാസത്തിനുള്ളില്‍ എടുത്ത 4 പാസ്‌പോര്‍ട്ട് സൈസ് ഫോട്ടോ(സി.ഡി സഹിതം) ആഗസ്റ്റ് 3 ന് വൈകിട്ട് 5 ന് മുമ്പായി വിദ്യാഭ്യാസ ഉപഡയറക്ടറുടെ കാര്യാലയത്തില്‍ ലഭ്യമാക്കണം. ഫോണ്‍ 04936 202593.
സേ പരീക്ഷാ സെന്ററില്‍ മാറ്റം
ആഗസ്റ്റ് മാസത്തില്‍ നടക്കുന്ന എസ്.എസ്.എല്‍.സി സേ പരീക്ഷാ സെന്റര്‍ കേന്ദ്രം മാനന്തവാടി ജി.വി.എച്ച്.എസ്.എസില്‍ നിന്നും, ദ്വാരക എസ്.എച്ച്.എസ്.സ്‌കൂളിലേക്ക് മാറ്റിയതായി ജില്ലാ വിദ്യാഭ്യാസ ഓഫീസര്‍ അറിയിച്ചു. മാനന്തവാടി ജി.വി.എച്ച്.എസ്.എസ് കോവിഡ് ചികിത്സാ കേന്ദ്രമാക്കിയതിലാണ് പരീക്ഷാ കേന്ദ്രത്തില്‍ മാറ്റം.
മെറിറ്റോറിയസ് സ്‌കോളര്‍ഷിപ്പിന് അപേക്ഷിക്കാം
സുല്‍ത്താന്‍ ബത്തേരി ബ്ലോക്ക് പഞ്ചായത്തിന്റെ ടിഎസ്പി പദ്ധതിയില്‍ ഉള്‍പ്പെടുത്തി പട്ടികവര്‍ഗ്ഗ വിദ്യാര്‍ത്ഥികള്‍ക്ക് മെറിറ്റോറിയസ് സ്‌കോളര്‍ഷിപ്പ് അനുവദിക്കുന്നതിന് അപേക്ഷ ക്ഷണിച്ചു. അംഗീകൃത സ്ഥാപനങ്ങളില്‍ 2021-22 അദ്ധ്യയന വര്‍ഷം ഡിഗ്രി, പിജി, ഡിപ്ലോമ, എഞ്ചിനീയറിംഗ്, മെഡിക്കല്‍, ഗവേഷണം തുടങ്ങിയവ പഠിക്കുന്ന അവസാന വര്‍ഷ പട്ടികവര്‍ഗ്ഗ വിദ്യാര്‍ത്ഥികള്‍ക്ക് സ്‌കോളര്‍ഷിപ്പിന് അപേക്ഷിക്കാവുന്നതാണ്. മെറിറ്റില്‍ അഡ്മിഷന്‍ നേടി ഗവണ്‍മെന്റ് സ്ഥാപനങ്ങളിലോ എയ്ഡഡ് സ്ഥാപനങ്ങളിലോ പഠനം നടത്തുന്ന വിദ്യാര്‍ത്ഥികള്‍ക്കാണ് അര്‍ഹത യുള്ളത്. അപേക്ഷകര്‍ സുല്‍ത്താന്‍ ബത്തേരി ബ്ലോക്ക് പരിധിയിലുള്ള നെന്മേനി, മീനങ്ങാടി, അമ്പലവയല്‍, നൂല്‍പ്പുഴ എന്നീ ഗ്രാമപഞ്ചായത്തു കളില്‍ സ്ഥിര താമസക്കാരായിരിക്കണം. അപേക്ഷയോടൊപ്പം ജാതി, വരുമാനം സര്‍ട്ടിഫിക്കറ്റുകള്‍, വിദ്യാര്‍ത്ഥി പഠിക്കുന്ന സ്ഥാപനത്തില്‍ നിന്നുള്ള സാക്ഷ്യപ്രതം, ഗ്രാമപഞ്ചായത്ത് മുഖേന മെറിറ്റോറിയസ് കോളര്‍ഷിപ്പ് ലഭിച്ചിട്ടില്ല എന്ന സാക്ഷ്യപത്രം, ആധാര്‍ കാര്‍ഡ്, ബാങ്ക് പാസ് ബുക്ക്, റേഷന്‍ കാര്‍ഡ് കോപ്പി, പാസ്സായ കോഴ്‌സിന്റെ മാര്‍ക് ലിസ്റ്റ് കോപ്പി എന്നിവ സമര്‍പ്പിക്കണം. അപേക്ഷ ആഗസ്റ്റ് 31 നകം ബത്തേരി ഡെവലപ്പ്‌മെന്റ് ഓഫീസ്, അല്ലെങ്കില്‍ അതാത് പരിധിയിലുളള ട്രൈബല്‍ എക്സ്റ്റന്‍ഷന്‍ ഓഫീസുകളില്‍ സമര്‍പ്പിക്കേണ്ടതാണ്. ഫോണ്‍. 04936 221074.
വൈദ്യുതി മുടങ്ങും
വെള്ളമുണ്ട ഇലക്ട്രിക്കല്‍ സെക്ഷനിലെ തേറ്റമല, കൊച്ചുവയല്‍ ഭാഗങ്ങളില്‍ വെള്ളി രാവിലെ 8.30 മുതല്‍ 5.30 വരെ പൂര്‍ണമായോ ഭാഗികമായോ വൈദ്യുതി മുടങ്ങും.
