സി എച്ച് സെന്റര്‍ വയനാടിന്റെ സൗജന്യ ഡയാലിസിസ് പദ്ധതിയിലേക്ക് ഖത്തര്‍ കെഎംസിസി നല്‍കിയ മൂന്നുലക്ഷം രൂപയുടെ ചെക്ക് മുസ്ലിം ലീഗ് ജില്ലാ പ്രസിഡണ്ട് പി.പി.എ കരീം ഏറ്റുവാങ്ങി.കല്‍പ്പറ്റ ലീഗ് ഹൗസില്‍ നടന്ന ചടങ്ങില്‍് കെഎംസിസി പ്രതിനിധികളില്‍ നിന്നാണ് ചെക്ക് ഏറ്റുവാങ്ങിയത്. വയനാട് നീലഗിരി ജില്ലകളിലായി മാസം 200 പേര്‍ക്കാണ് സി എച്ച് സെന്റര്‍ ഡയാലിസിസിന് തുക നല്‍കുന്നത്. സി എച്ച് സെന്റര്‍ ജില്ലാ ജനറല്‍ കണ്‍വീനര്‍ റസാക്ക് കല്‍പ്പറ്റ, ചെയര്‍മാന്‍ പയന്തോത്ത് മൂസ ഹാജി, ട്രഷറര്‍ സി. മൊയ്തീന്‍കുട്ടി, കെഎംസിസി പ്രതിനിധികളായ അഷ്‌റഫ് പൂന്തോടന്‍, ഇസ്മയില്‍ തുടങ്ങിയവര്‍ പങ്കെടുത്തു.
