സികെ ജാനുവിനെ ജനാധിപത്യ രാഷ്ട്രീയ പാര്‍ട്ടിയില്‍ നിന്നും സസ്‌പെന്‍ഡ് ചെയ്തു.ആറുമാസത്തേക്കാണ് സസ്‌പെന്‍ഡ് ചെയ്തത് .ബിജെപി നേതാക്കളുമായി ചേര്‍ന്ന് വോട്ട് തിരിമറിയും സാമ്പത്തിക ഇടപാടുകളും നടത്തിയതിനാലാണ് അച്ചടക്കനടപടി എന്ന് സംസ്ഥാന സെക്രട്ടറി പ്രകാശന്‍ മൊറാഴ വാര്‍ത്താകുറിപ്പില്‍ പറഞ്ഞു.പാര്‍ട്ടിയുടെ പേരില്‍ സാമ്പത്തിക ഇടപാടുകള്‍ നടത്തിയതായുള്ള ആരോപണങ്ങളെ തുടര്‍ന്ന് സംസ്ഥാന കമ്മിറ്റി അന്വേഷണ കമ്മീഷന്‍ വെക്കുകയും സംസ്ഥാന അധ്യക്ഷ സ്ഥാനത്തുനിന്ന് മാറ്റി നിര്‍ത്തുകയും ചെയ്തിരുന്നു.
