യാത്രയ്ക്കായി പൊലീസ് ഏര്പ്പെടുത്തിയ യാത്രാ പാസ് സംവിധാനം ദുരുപയോഗം ചെയ്യരുതെന്ന് മുഖ്യമന്ത്രി പിണറായി വിജയന്. 12 മണിക്കൂറിനകം ഒരു ലക്ഷം അപേക്ഷകളാണ് ലഭിച്ചത്. ഇത്രയും അപേക്ഷകര്ക്ക് പാസ് നല്കുന്നത് ലോക്ഡൗണിന്റെ ലക്ഷ്യത്തെത്തന്നെ പരാജയപ്പെടുത്തുന്നതാണ്. അതിനാല് യാത്രയുടെ ഉദ്ദേശ്യം ശരിയായി വിലയിരുത്തി ആവശ്യത്തിന്റെ ഗൗരവസ്ഥിതി ബോധ്യപ്പെട്ട് മാത്രമേ പാസ് നല്കാവൂ എന്ന് നിര്ദ്ദേശിച്ചിട്ടുണ്ടെന്നും മുഖ്യമന്ത്രി നിര്ദേശിച്ചു. ഫേസ്ബുക്ക് പോസ്റ്റില് അറിയിച്ചു.
മുഖ്യമന്ത്രിയുടെ ഫേസ്ബുക്ക് പോസ്റ്റ് പൂര്ണരൂപം
അത്യാവശ്യഘട്ടങ്ങളില് യാത്ര ചെയ്യുന്നതിനായി ഓണ്ലൈന് പാസ് നല്കുന്ന പോലീസ് സംവിധാനം ശനിയാഴ്ച നിലവില് വന്നു. പ്രവര്ത്തനക്ഷമമായി 12 മണിക്കൂറിനകം ഒരു ലക്ഷം അപേക്ഷകളാണ് ലഭിച്ചത്. ഇത്രയും അപേക്ഷകര്ക്ക് പാസ് നല്കുന്നത് ലോക്ഡൗണിന്റെ ലക്ഷ്യത്തെത്തന്നെ പരാജയപ്പെടുത്തുന്നതാണ്. അതിനാല് യാത്രയുടെ ഉദ്ദേശ്യം ശരിയായി വിലയിരുത്തി ആവശ്യത്തിന്റെ ഗൗരവസ്ഥിതി ബോധ്യപ്പെട്ട് മാത്രമേ പാസ് നല്കാവൂ എന്ന് നിര്ദ്ദേശിച്ചിട്ടുണ്ട്.
അവശ്യസര്വ്വീസ് വിഭാഗത്തില് പെടുത്തിയിട്ടുളളവര്ക്ക് അതത് സ്ഥാപനത്തിന്റെ തിരിച്ചറിയല് കാര്ഡ് ഉണ്ടെങ്കില് പാസ് വേണ്ട. ദിവസേന യാത്രചെയ്യേണ്ടിവരുന്ന വീട്ടുജോലിക്കാര്, ഹോംനഴ്സുമാര്, തൊഴിലാളികള് എന്നിങ്ങനെയുളളവര്ക്ക് സാധാരണഗതിയില് തിരിച്ചറിയല് കാര്ഡ് ഉണ്ടാകണമെന്നില്ല. ഈ വിഭാഗത്തില്പെട്ടവര് അപേക്ഷിച്ചാല് മുന്ഗണനാ അടിസ്ഥാനത്തില് പാസ് നല്കാന് പോലീസിന് നിര്ദ്ദേശം നല്കി. തൊട്ടടുത്ത കടയില് നിന്ന് മരുന്ന്, ഭക്ഷണം, പാല്, പച്ചക്കറികള് എന്നിവ വാങ്ങാന് പോകുമ്പോള് സത്യവാങ്മൂലം കൈയ്യില് കരുതിയാല് മതി.
പോലീസ് ഇ-പാസ് : ആറുമണിവരെ അപേക്ഷിച്ചത് 3,79,618 പേര്
അത്യാവശ്യഘട്ടങ്ങളില് യാത്ര ചെയ്യുന്നതിനുളള പോലീസിന്റെ ഓണ്ലൈന് ഇ-പാസിന് അപേക്ഷിച്ചത് 3,79,618 പേര്. ഇതില് 44,902 പേര്ക്ക് യാത്രാനുമതി നല്കി. 2,89,178 പേര്ക്ക് അനുമതി നിഷേധിച്ചു. 45,538 അപേക്ഷകള് പരിഗണനയിലാണ്. ചൊവ്വാഴ്ച വൈകുന്നേരം ആറുമണിവരെയുളള കണക്കാണിത്.
ആശുപത്രി യാത്രയ്ക്ക് പാസ് നിര്ബന്ധമല്ല; മെഡിക്കല് രേഖകളും സത്യവാങ്മൂലവും കരുതുക
ലോക്ക് ഡൗണിനോടനുബന്ധിച്ച് പോലീസ് ഏര്പ്പെടുത്തിയ ഓണ്ലൈന് പാസ് സംവിധാനത്തിലേയ്ക് ആയിരക്കണക്കിന് അപേക്ഷകളാണു ലഭിച്ചത്. ഇത്രയും പേര്ക്കു പാസ് നല്കിയാല് ലോക്ഡൗണിന്റെ ലക്ഷ്യം പരാജയപ്പെടും. അവശ്യസാധനങ്ങള് വാങ്ങുന്നതിനുള്ള അപേക്ഷകളാണ് ഭൂരിഭാഗവും.
അത്യാവശ്യ യാത്രകള്ക്ക് മാത്രമാണ് ഇപ്പോള് പാസ് അനുവദിക്കുന്നത്.
തൊട്ടടുത്ത കടയില് നിന്നു മരുന്ന്, ഭക്ഷണം, പാല്, പച്ചക്കറികള് എന്നിവ വാങ്ങാന് പോകുന്നവര് പാസ്സിന് അപേക്ഷിക്കേണ്ടതില്ല സത്യവാങ്മൂലം കയ്യില് കരുതിയാല് മതി.അവശ്യസാധനങ്ങള് വാങ്ങുന്നതിനു പുറത്തിറങ്ങാമെന്നാണെങ്കിലും അതു ദുരുപയോഗം ചെയ്താല് കര്ശന നടപടി സ്വീകരിക്കും.
ആശുപത്രി യാത്രകള്ക്ക് പാസ് നിര്ബന്ധമല്ല എന്നാല് മെഡിക്കല് രേഖകളും സത്യവാങ്മൂലവും
കയ്യില് കരുതുക.ഒരു വാഹനത്തില് പരമാവധി 3 പേര്ക്കു വരെ യാത്ര ചെയ്യാം
അവശ്യ സര്വീസ് വിഭാഗത്തിലുള്ളവര്ക്ക് അതതു സ്ഥാപനത്തിന്റെ തിരിച്ചറിയല് കാര്ഡ് ഉണ്ടെങ്കില് പാസ് വേണ്ട.