ശക്തമായ കാറ്റിലും മഴയിലും സുല്‍ത്താന്‍ ബത്തേരി വില്ലേജ് ഓഫീസിനുമുകളില്‍ വീണ മരം ഫയര്‍ഫോഴ്സെത്തി മുറിച്ചുനീക്കി. കഴിഞ്ഞദിവസം വൈകിട്ട് സുല്‍ത്താന്‍ ബത്തേരിയിലും പരിസരങ്ങളിലും ഉണ്ടായ ശക്തമായ കാറ്റിലും മഴയിലുമാണ് വില്ലേജ് ഓഫീസിനുസമീപത്തുനിന്നിരുന്ന മരം ഒടിഞ്ഞു ഓഫീസ് കെട്ടിടത്തിനുമുകളില്‍ പതിച്ചത്. മരം വീണ് കെട്ടിടത്തിന്റെ മുകളില്‍ സ്ഥാപിച്ച ആസ്ബസ്റ്റോസ് ഷീറ്റുകള്‍ ഭാഗികമായി പൊട്ടിയതൊഴിച്ചാല്‍ കാര്യമായ നാശനഷ്ടമുണ്ടായിട്ടില്ല.
