ബത്തേരി കൊളഗപ്പാറ ചൂരിമലിയില് കടുവ പശുവിനെ ആക്രമിച്ചുകൊന്നു. ചൂരിമല വാര്യത്ത് പറമ്പ് ഗോവിന്ദന്റെ മൂന്നു വയസ്സുള്ള പശുവിനെയാണ് ഇന്ന് 11 മണിയോടെയാണ് സംഭവം. ബീനാച്ചി എസ്റ്റേറ്റിനോട് ചേര്ന്നുള്ള സ്ഥലത്ത് മേയാന് കെട്ടിയിരുന്ന പശുവിനെയാണ് കടുവ കൊന്നത്. സംഭവത്തെ തുടര്ന്ന് വനംവകുപ്പ് സ്ഥലത്തെത്തി തുടര് നടപടികള് സ്വീകരിച്ചു. ഈ പ്രദേശത്ത് മുമ്പും വളര്ത്തു മൃഗങ്ങളെ കടുവ ആക്രമിച്ചു കൊന്നിട്ടുണ്ട്.
