മൂലങ്കാവ് ഗവ. ഹൈസ്‌കൂളിലെ പത്താംക്ലാസ്സ് പരീക്ഷയെഴുതുന്ന വിദ്യാര്‍ഥികള്‍ക്കാണ് കൊവിഡ് സ്ഥിരീകരിച്ചത്. എസ് എസ് എല്‍ സി സെപ്ഷ്യല്‍ ക്യാമ്പിലുള്ള വിദ്യാര്‍ഥികള്‍ക്കാണ് കൊവിഡ് സ്ഥിരീകരി്ച്ചത്. ഇവരുമായി സമ്പര്‍ക്കമുള്ളവരോട് ക്വാറന്റൈന്‍ പാലിച്ച് പരീക്ഷ എഴുതാനും നിര്‍ദേശം നല്‍കിയിട്ടുണ്ട്.എസ് എസ് എല്‍ സി പരീക്ഷയെഴുതുന്ന ക്യാമ്പിലുള്ള ഏഴ് ഗോത്രവിദ്യാര്‍ത്ഥികള്‍ക്കാണ് കൊവിഡ് സ്ഥിരീകരിച്ചിരിക്കുന്നത്.
രണ്ട് വിദ്യാര്‍ഥികള്‍ക്ക് ഏഴാം തീയതി കൊവിഡ് സ്ഥിരീകരിച്ചിരുന്നത്. ഇതില്‍ ഒരു കുട്ടി വീട്ടിലും ഒരാള്‍ ആശുപത്രിയിലുമാണ് നീരീക്ഷണത്തിലുള്ളത്. ഇവരുമായി സമ്പര്‍ക്കിത്തിലായ 25 പേര്‍ക്ക് കഴിഞ്ഞദിവസം നടത്തിയ പരിശോധനയിലാണ് അഞ്ച് പേര്‍ക്കുകൂടി രോഗം സ്ഥിരീകരി്ച്ചത്. ഇതോടെ ഇവരെ സ്‌കൂളില്‍ തന്നെ സജ്ജമാക്കിയ നീരീക്ഷകേന്ദ്രത്തിലേക്ക് മാറ്റി. ഇവരെ പരിചരിക്കുന്നതിന്നായി ഒരു പ്രൊമോട്ടറെ നിയോഗിച്ചിട്ടുണ്ടന്നും പഞ്ചായത്ത് പ്രസിഡണ്ട് ഷിജ പറഞ്ഞു.ഇതില്‍ ആദ്യം കൊവിഡ് സ്ഥിരീകരിച്ച വിദ്യാര്‍ഥികളുമായി സമ്പര്‍ക്കത്തില്‍ വന്ന വിദ്യാര്‍ഥികളോട് ക്വറന്റൈന്‍ പാലിച്ച് പരീക്ഷയെഴുതാനുള്ള സൗകര്യവും ഒരുക്കിയിട്ടുണ്ട്. കൂടാതെ ക്യാമ്പിലുള്ള മറ്റ് കുട്ടികള്‍ക്കും പരീക്ഷയെഴുതാനുള്ള സൗകര്യവും ഒരുക്കിയിട്ടുണ്ട്.
