നിയമസഭ തിരഞ്ഞെടുപ്പിനോടനുബന്ധിച്ച് രാഷ്ട്രീയ പാര്‍ട്ടികള്‍ക്ക് സമ്മേളനങ്ങളും പൊതുപരിപാടികളും നടത്തുന്നതിന് അധിക മൈതാനങ്ങള്‍ കണ്ടെത്തിയതായി ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടര്‍ അറിയിച്ചു. വൈത്തിരി പഞ്ചായത്ത് മിനി സ്‌റ്റേഡിയം, അരപ്പറ്റ മൂപ്പൈനാട് പഞ്ചായത്ത് ഗ്രൗണ്ട്, മീനങ്ങാടി ശ്രീകണ്ഠപ്പ പഞ്ചായത്ത് സ്‌റ്റേഡിയം, പുല്‍പ്പള്ളി എസ്.എന്‍. കോളേജ് ഗ്രൗണ്ട്, മാനന്തവാടി വളളിയൂര്‍കാവ് ഗ്രൗണ്ട്, പനമരം പഞ്ചായത്ത് സ്‌റ്റേഡിയം എന്നിവയാണ് പുതുതായി കണ്ടെത്തിയ മൈതാനങ്ങള്‍. നേരത്തേ മാനന്തവാടി ജി.വി.എച്ച്.എസ് സ്‌കൂള്‍ ഗ്രൗണ്ട്, കല്‍പ്പറ്റ എസ്.കെ.എം.ജെ സ്‌കൂള്‍ ഗ്രൗണ്ട്, ബത്തേരി സെന്റ് മേരീസ് കോളേജ് ഗ്രൗണ്ട് എന്നിവയും കണ്ടെത്തിയിരുന്നു.
