ഈ മാസം 24-ാം തീയതി കല്‍പ്പറ്റയില്‍ നടക്കുന്ന കേബിള്‍ ടിവി ഓപ്പറേറ്റേഴ്‌സ് അസോസിയേഷന്‍ ജില്ലാ പ്രവര്‍ത്തക കണ്‍വെന്‍ഷന്റെ സ്വാഗതസംഘം രൂപീകരിച്ചു. സംഘടന ജില്ലാ പ്രസിഡണ്ട് ഏലിയാസ് പി എം അധ്യക്ഷത വഹിച്ച യോഗത്തില്‍ ജില്ലാ സെക്രട്ടറി അഷ്‌റഫ് പൂക്കയില്‍, ജില്ലാ ട്രഷറര്‍ ബിജു ജോസ് തുടങ്ങിയവര്‍ സംസാരിച്ചു. സ്വാഗത സംഘം കണ്‍വീനറായി കാസിം റിപ്പണ്‍, ചെയര്‍മാനായി ഷബീറലി മേപ്പാടി, ജോയിന്‍ കണ്‍വീനര്‍മാരായി വിജിത്ത് കെ.എന്‍,അബ്ദുള്ള, സിദ്ദീഖ്,വൈസ് ചെയര്‍മാന്‍ മാരായി തങ്കച്ചന്‍ പുളിഞ്ഞാല്‍, അരവിന്ദന്‍ തുടങ്ങിയവരെ യോഗം തെരഞ്ഞെടുത്തു.
