രാജ്യത്തിന്റെ 72-ാമത് റിപ്പബ്ലിക് ദിനാഘോഷ ചടങ്ങില്‍ മന്ത്രി രാമചന്ദ്രന്‍ കടന്നപ്പള്ളി ജില്ലയില്‍ വിശിഷ്ടാതിഥിയാകും. ജനുവരി 26 ന് രാവിലെ 8.40 മുതല്‍ കല്‍പ്പറ്റ എസ്.കെ.എം.ജെ. ഹൈസ്‌കൂള്‍ ഗ്രൗണ്ടില്‍ നടക്കുന്ന ചടങ്ങിലേക്ക് കോവിഡ് പശ്ചാത്തലത്തില്‍ പൊതുജനങ്ങള്‍ക്ക് പ്രവേശനമുണ്ടാകില്ല.
8.58 ന് വിശിഷ്ടാതിഥി സല്യൂട്ട് സ്വീകരിക്കും. തുടര്‍ന്ന് അദ്ദേഹം റിപ്പബ്ലിക് ദിന സന്ദേശം നല്‍കും. പോലീസ് സേനാ വിഭാഗത്തിന്റെ 3 പ്ലാറ്റൂണുകള്‍ പങ്കെടുക്കും. ചടങ്ങില്‍ എം.എല്‍.എ.മാരായ സി.കെ.ശശീന്ദ്രന്‍, ഒ.ആര്‍.കേളു, ഐ.സി. ബാലകൃഷ്ണന്‍, ജില്ലാ പഞ്ചായത്ത് പ്രസിഡന്റ് ഷംസാദ് മരക്കാര്‍,ജില്ലാ കളക്ടര്‍ ഡോ.അദീല അബ്ദുള്ള,ജില്ലാ പൊലീസ് മേധാവി ജി.പൂങ്കുഴലി, വിവിധ ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
