കേന്ദ്ര സര്‍ക്കാര്‍ വിദ്യാര്‍ത്ഥികളെയും കര്‍ഷകരെയും വെല്ലുവിളിച്ച് അടിച്ചേല്‍പ്പിക്കാന്‍ ശ്രമിക്കുന്ന കര്‍ഷക ബില്ലും വിദ്യാര്‍ത്ഥി ദ്രോഹ വിദ്യാഭ്യാസ നയവും പിന്‍വലിക്കണമെന്നാവശ്യപ്പെട്ട് എസ്എഫ്‌ഐയുടെ നേതൃത്വത്തില്‍ കല്‍പ്പറ്റ ടെലഫോണ്‍ എക്‌സ്‌ചേഞ്ചിലേക്ക് വിദ്യാര്‍ത്ഥി മാര്‍ച്ച് സംഘടിപ്പിച്ചു.
ഡല്‍ഹിയില്‍ സമരം ചെയ്യുന്ന കര്‍ഷകര്‍ക്ക് പരിപാടി യില്‍ ഐക്യദാര്‍ഢ്യം പ്രഖ്യാപിച്ചു. എസ്എഫ്‌ഐ ജില്ലാ പ്രസിഡന്റ് അജ്‌നാസ് അഹമ്മദ് പരിപാടി ഉദ്ഘാടനം ചെയ്തു.ടിപി ഋതുഷോഭ് അധ്യക്ഷനായിരുന്നു.വിനീഷ് കുമാര്‍,ജോയല്‍ ജോസഫ്,എല്‍ദോസ് മത്തായി, കിരണ്‍ സ്റ്റാം തോമസ് ,ജിഷ്ണു ഷാജി കെ ആര്‍ അവിഷിത്ത് എന്നിവര്‍ സംസാരിച്ചു.
