ബത്തേരി പൂമല മണിച്ചിറ സ്വദേശി റഷീദ് (29) നെയാണ് ബത്തേരി പോലീസ് ഇന്‍സ്പെക്ടര്‍ എംഡി സുനിലും സംഘവും അറസ്റ്റ് ചെയ്തത്. ബസ്സില്‍വെച്ച് വിദ്യാര്‍ത്ഥിനിയുടെ സീറ്റിനരികില്‍ ഇരിക്കുകയും മോശമായി പെരുമാറുകയും ചെയ്തതായാണ് പരാതി. ഇതിന് മുമ്പും റഷീദിനെതിരെ സമാനപരാതിയുള്ളതായും പറയുന്നുണ്ട്. ചൊവ്വാഴ്ച വൈകിട്ടോടെയാണ് ഇയാളെ അറസ്റ്റ് ചെയ്തത്. വിദ്യാര്‍ത്ഥിനിയുടെ പരാതിയുടെ അടിസ്ഥാനത്തില്‍ ഇന്ത്യന്‍ ശിക്ഷാനിയമം 354(എ), പോക്സോ നിയമത്തിലെ 7,8 വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. പ്രതിയെ പിന്നീട് കോടതിയില്‍ ഹാജരാക്കും. സംഭവത്തെ തുടര്‍ന്ന് നാട്ടുകാര്‍ സ്‌കൂള്‍ ബസ്സിനു കേടുപാടുകള്‍ വരുത്തി.
