മാധ്യമപ്രവര്‍ത്തകനെ തുറങ്കിലടച്ച സംഭവം വയനാട് പ്രസ്സ് ക്ലബ്ബിന്റെ നേതൃത്വത്തില്‍ പോസ്റ്റര്‍ പ്രചരണം
ഹത്രാസില്‍ പെണ്‍കുട്ടി പീഡനത്തിനിരയായി മരിച്ച സംഭവത്തില്‍ റിപ്പോര്‍ട്ടിംഗിന് പോയ മലയാളിമാധ്യമപ്രവര്‍ത്തകനെ അറസ്റ്റ് ചെയ്തു തുറങ്കിലടച്ചതില്‍ പ്രതിഷേധിച്ച് വയനാട് പ്രസ്സ് ക്ലബ്ബിന്റെ നേതൃത്വത്തില്‍ പോസ്റ്റര്‍ പ്രചരണം നടത്തി.കെ യു ഡബ്ല്യു ജെ ഭാരവാഹി കൂടിയായ സിദ്ദിഖ് കാപ്പന് നീതി ലഭ്യമാക്കണമെന്നും, ജയിലില്‍ നിന്നും മോചിപ്പിക്കണമെന്നും ആവശ്യപ്പെട്ടാണ് കല്‍പ്പറ്റയില്‍ പ്രതിഷേധ പരിപാടി സംഘടിപ്പിച്ചത്. വയനാട് പ്രസ് ക്ലബ് സെക്രട്ടറി നിസാം കെ അബ്ദുല്ല, ട്രഷറര്‍ എ.പി. അനീഷ്, നീനു മോഹന്‍ , ടി ജെ ജെയിംസ്, എ.എസ്. ഗിരീഷ്, ബി. പ്രേമലത, ഷെഫീഖ് മുണ്ടക്കൈ, സി.വി. ഷിബു. തുടങ്ങിയവര്‍ സംസാരിച്ചു.
