കോവിഡ് പ്രതിരോധ നിയമങ്ങള്‍ ലംഘിക്കുന്നവര്‍ക്കെതിരെ കര്‍ശനമായ നടപടികള്‍ സ്വീകരിക്കാന്‍ ബഹ് റൈന്‍ മന്ത്രിസഭ യോഗം തീരുമാനിച്ചു. രാജ്യത്ത് പിന്നിട്ട ദിവസങ്ങളില്‍ വര്‍ധിച്ച തോതില്‍ പോസിറ്റീവ് കേസുകള്‍ റിപ്പോര്‍ട്ട് ചെയ്യപ്പെട്ട സാഹചര്യത്തിലാണ് തീരുമാനം. ജനങ്ങളുടെ ആരോഗ്യവും സുരക്ഷയും നിലനിര്‍ത്താനാവശ്യമായ നടപടികള്‍ സ്വീകരിക്കും. രോഗ വ്യാപനം തടയാന്‍ ജാഗ്രതാ നടപടികള്‍ ശക്തിപ്പെടുത്താനും കാബിനറ്റ് യോഗം തീരുമാനിച്ചു.
