പട്ടാണിക്കൂപ്പിലെ വിധവയായ വീട്ടമ്മയുടെ പശു വെറ്ററിനറി ഡോക്ടറുടെ അനാസ്ഥ മൂലം ചത്ത സംഭവത്തില്‍ മുള്ളന്‍കൊല്ലി മണ്ഡലം യു ഡി എഫ് കമ്മിറ്റി പാടിച്ചിറ വെറ്ററിനറി ആശുപത്രിക്ക് മുമ്പില്‍ ധര്‍ണ നടത്തി. ഡി സി സി ജനറല്‍ സെക്രട്ടറി അഡ്വ. പി ഡി സജി ഉദ്ഘാടനം ചെയ്തു.
ഇക്കാര്യത്തില്‍ അനാസ്ഥ കാട്ടിയ ഡോക്ടര്‍ക്കെതിരെ നടപടി സ്വീകരിക്കണമെന്നും, ഫാത്തിമക്ക് മതിയായ നഷ്ടപരിഹാരം നല്‍കണമെന്നും അദ്ദേഹം ആവശ്യപ്പെട്ടു. വര്‍ഗീസ് മുരിയന്‍കാവില്‍ അധ്യക്ഷനായിരുന്നു. എം എ അസീസ്, ജോസ് കുന്നത്ത്, ജോസഫ് പെരുവേലി, ശിവരാമന്‍ പാറക്കുഴി, പി കെ ജോസ്, മുനീര്‍ ആച്ചിക്കുളത്ത്, തുടങ്ങിയവര്‍ സംസാരിച്ചു.
