പൊഴുതന, ആച്ചൂരാനം, കുന്നത്തിടവക, തരിയോട്,വില്ലേജുകളിലെ ആയിരക്കണക്കിനാളുകളുടെ ജീവിതം ദുരിത പൂര്‍ണമാക്കുന്ന മലബാര്‍ വൈല്‍ഡ്‌ലൈഫ് സാന്‍ക്ച്വറി കരടുവിജ്ഞാപനം ഉടന്‍ പിന്‍വലിക്കണമെന്ന് പൊഴുതന പഞ്ചായത്തിന്റെ നേതൃത്വത്തില്‍ സംഘടിപ്പിച്ച സര്‍വ്വകക്ഷിയോഗം ആവശ്യപ്പെട്ടു. എംഎല്‍എ ഉള്‍പ്പെടെ മുഴുവന്‍ ജനപ്രതിനിധികളുടേയും പങ്കാളിത്തത്തോടെ വിജ്ഞാപനത്തിനെതിരെ ശക്തമായ പ്രക്ഷോഭം സംഘടിപ്പിക്കാനും യോഗം തീരുമാനിച്ചു. പൊഴുതന പഞ്ചായത്ത് പ്രസിഡന്റിന്റെ അധ്യക്ഷതയില്‍ ചേര്‍ന്ന സര്‍വ്വകക്ഷിയോഗത്തില്‍ വിവിധ രാഷ്ട്രീയ കക്ഷി പ്രതിനിധികള്‍ പങ്കെടുത്തു.
