അമ്പലവയല്‍ ആയിരംകൊല്ലി ട്രൈബല്‍ ഓഫീസിന് സമീപത്തെ പൊതുസ്ഥലത്ത് സെപ്റ്റിക് മാലിന്യം തള്ളിയ വാഹനം നാട്ടുകാര്‍ പിടികൂടി പോലീസില്‍ ഏല്‍പ്പിച്ചു.അമ്പലവയല്‍ ആയിരംകൊല്ലി ട്രൈബല്‍ ഓഫീസിനു സമീപം ഒട്ടനവധി ആദിവാസി കുടുംബങ്ങളടക്കം കുടിവെള്ളത്തിന് ഉപയോഗിക്കുന്ന പൊതു കുളത്തിന് സമീപത്താണ് മിനി ടാങ്കറില്‍ കൊണ്ടുവന്ന് സെപ്റ്റിക് മാലിന്യം തള്ളിയത്.
കെ എല്‍ 07 കെ 8271 മിനി ലോറിയിലാണ് മാലിന്യം കൊണ്ട് നിക്ഷേപിച്ചത്. മാലിന്യം തള്ളുന്നത് നാട്ടുകാരുടെ ശ്രദ്ധയില്‍പ്പെട്ടതിനെ തുടര്‍ന്നാണ് ടാങ്കര്‍ പിടികൂടി അമ്പലവയല്‍ പോലീസില്‍ ഏല്‍പ്പിച്ചത് .സംഭവത്തില്‍ പോലീസ് വാഹന ഉടമയ്‌ക്കെതിരെയും ഡ്രൈവര്‍ക്കെതിരെയും കേസ് രജിസ്റ്റര്‍ ചെയ്യുകയും വാഹനം കലക്ടര്‍ കൈമാറുകയും ചെയ്തു. എന്നാല്‍ പൊതുസ്ഥലത്ത് മാലിന്യം നിക്ഷേപിച്ച വാഹനത്തിനോ ഡ്രൈവര്‍ക്കെതിരെയോ യാതൊരു നടപടിയും എടുക്കാന്‍ പഞ്ചായത്ത് ഇതുവരെയും തയ്യാറായിട്ടില്ലെന്നും പഞ്ചായത്ത് പ്രതികളെ സംരക്ഷിക്കുന്ന നിലപാടാണ് എടുക്കുന്നുവെന്നുമാണ് പ്രതിപക്ഷത്തിന്റെ നിലപാട്.
