കല്‍പ്പറ്റ കോവിഡ് ബാധിച്ച് മരിച്ച വ്യക്തിയുടെ സമ്പര്‍ക്കത്തില്‍ പെട്ട നാല് പേര്‍ക്കും കൂടി ആന്റിജന്‍ ടെസ്റ്റ് പോസിറ്റീവ്. മുട്ടിലില്‍ നടത്തിയ ആന്റിജന്‍ പരിശോധനയിലായിരുന്നു കാക്കവയല്‍ സ്വദേശികളായ നാല് പേര്‍ക്ക് പോസിറ്റീവായി കണ്ടെത്തിയത്.മുട്ടില്‍ സ്വദേശിയുടെയും കല്‍പ്പറ്റ സ്വദേശിയുടെയും പ്രാഥമിക സമ്പര്‍ക്കത്തില്‍ ഏര്‍പ്പെട്ട 68 പേരുടെ ടെസ്റ്റാണ് മുട്ടിലില്‍ നടത്തിയത്. ഇതോടെ മുട്ടില്‍ ടൗണില്‍ കര്‍ശന നിയന്ത്രണങ്ങള്‍ ഏര്‍പ്പെടുത്തി്.15-ാം വാര്‍ഡിലേക്കുള്ള റോഡുകള്‍ പൊലീസ് അടച്ചു.പഞ്ചായത്തിലെ പതിനഞ്ചാം വാര്‍ഡ് കണ്ടയ്ന്‍മെന്റ് സോണും, 16, 17 ,3 വാര്‍ഡുകളിലെ ടൗണ്‍ ഉള്‍പ്പെടുന്ന പ്രദേശങ്ങള്‍ മൈക്രോ കണ്ടയ്ന്‍മെന്റ് സോണും ആക്കിയിട്ടുണ്ട്.
