സുല്‍ത്താന്‍ ബത്തേരി മേലെപുത്തന്‍കുന്നില്‍ ആളില്ലാത്ത വീട് കുത്തിതുറന്ന് മോഷണം. ചെരുവുപുരയിടത്തില്‍ തോമസുകുട്ടിയുടെ അടച്ചിട്ട വീട്ടിലാണ് മോഷണം നടന്നത്. കഴിഞ്ഞദിവസം വീടിന്റെ വാതില്‍ കുത്തിതുറന്ന നിലയില്‍ കണ്ടെത്തിയതിനെ തുടര്‍ന്ന് ബന്ധുവെത്തി പരിശോധിച്ചപ്പോഴാണ് മോഷണ വിവരം അറിഞ്ഞത്. വീട്ടില്‍ അലമാരയില്‍ സൂക്ഷിച്ചിരുന്ന ഏഴരപവന്‍ സ്വര്‍ണ്ണം മോഷ്ടിക്കപ്പെട്ടതായി കണ്ടെത്തി. സംഭവത്തില്‍ സുല്‍ത്താന്‍ ബത്തേരി പൊലിസ് കേസെടുത്ത അന്വേഷണം ആരംഭിച്ചു. തോമസ്‌കുട്ടിയും വിദേശത്താണ് താമസം.
