ഓടപ്പള്ളം പ്രദേശത്തെ വന്യമൃഗ ശല്യം പരിഹരിക്കണമെന്നാവശ്യപ്പെട്ട് സംയുക്ത കര്‍ഷക സംരക്ഷണ സമിതിനേതൃത്വത്തില്‍ ജൂലൈ നാലിന് ഓടപ്പള്ളം ഫോറസ്റ്റ് ഓഫീസിലേക്ക് മാര്‍ച്ച് നടത്തുമെന്ന് സംരക്ഷണ സമിതി ഭാരവാഹികള്‍ ബത്തേരിയില്‍ വാര്‍ത്താസമ്മേളനത്തില്‍ അറിയിച്ചു. കര്‍ഷകരുടെ ജീവനും സ്വത്തിനും നാശം വരുത്തുന്നതിനുപുറമെ കര്‍ഷകരെ കള്ളക്കേസ്സില്‍ കുടുക്കി വനംവകുപ്പ് പീഡിപ്പിക്കുന്നതില്‍ പ്രതിഷേധിച്ചുമാണ് മാര്‍ച്ചെന്നും തികച്ചും കൊവിഡ്19 മാനദണ്ഡങ്ങള്‍ പാലിച്ച് നടത്തുന്ന പ്രതിഷേധ പരിപാടിയില്‍ എല്ലാവിഭാഗം ജനങ്ങളും സംബന്ധിക്കണമെന്നും ഭാരവാഹികള്‍ പറഞ്ഞു.
