കൽപ്പറ്റ: കൽപ്പറ്റ ബ്ലോക്ക് പഞ്ചായത്തിലെ വിവിധ ഘടക സ്ഥാപനങ്ങളിലേക്ക് നൽകുന്ന ഓട്ടോമാറ്റിക്ക് സാനിറ്റൈസർ ഡിസ്പെൻസർ മെഷീൻ കൽപ്പറ്റ ബ്ലോക്ക് പഞ്ചായത്ത് പ്രസിഡന്റ് ഉഷാതമ്പി സി.ഡി.പി.ഒ. എം.എൻ.സുധക്ക് നൽകി വിതരണോദ്ഘാടനം നിർവഹിച്ചു. എൽ എസ് ജി ഡി, എ ഡി എ, എസ് സി ഡി ഒ, സിഡി പി ഒ, ഡി ഇ ഒ എന്നീ ഓഫീസുകൾക്കും, മേപ്പാടി സി എച്ച് സി, ചെന്നലോട് സി എച്ച് സി, വൈത്തിരി സി എച്ച് സി എന്നിവർക്കാണ് മെഷീൻ വിതരണം ചെയ്തത്. ബ്ലോക്ക് വൈസ് പ്രസിഡന്റ് കെ.കെ.ഹനീഫ അധ്യക്ഷത വഹിച്ചു. ബ്ലോക്ക് പഞ്ചായത്ത് ഭരണസമിതി അംഗങ്ങളായ ജിൻസി സണ്ണി, എം.സെയ്ദ് ,എം.ഒ.ദേവസ്യ, പി.സി.അയ്യപ്പൻ, പി.ബാലൻ, പി.സി.മമ്മൂട്ടി, കൽപ്പറ്റ ബ്ലോക്ക് പഞ്ചായത്ത് സെക്രട്ടറി കെ.ജയനാരായണൻ എന്നിവർ സംസാരിച്ചു.
