കണിയാമ്പറ്റ ഗവണ്‍മെന്റ് ഹയര്‍ സെക്കണ്ടറി സ്‌കൂളില്‍ നടന്ന എസ്.എസ്.എല്‍.സി മൂല്യനിര്‍ണയ ക്യാമ്പില്‍ പങ്കെടുത്ത ജില്ലാ സാമൂഹ്യ ശാസ്ത്ര അധ്യാപകരുടെ കൂട്ടായ്മ മൂന്ന് ടെലിവിഷന്‍ സെറ്റുകള്‍ ജില്ലാ കളക്ടര്‍ ഡോ.അദീല അബ്ദുള്ളയ്ക്ക് കൈമാറി. ജില്ലയിലെ ഓണ്‍ലൈന്‍ പഠന സൗകര്യമില്ലാത്ത നിര്‍ധനരായ വിദ്യാര്‍ത്ഥികള്‍ക്ക് നല്‍കുന്നതിനായി ഡി.ഇ.ഒ കെ. പ്രദീപ് കളക്‌ട്രേറ്റിലെത്തിയാണ് ടെലിവിഷന്‍ കൈമാറിയത്. അധ്യാപകരായ ജോബി മാനുവല്‍, എം.ജി. ഉണ്ണി, കെ.വി. രാജേന്ദ്രന്‍, കെ.ഇ. ജോസ്, എന്‍.കെ. ഹരീഷ് കുമാര്‍ എന്നിവര്‍ സന്നിഹിതരായിരുന്നു.
