വെള്ളമുണ്ട പ്രാഥമിക ആരോഗ്യകേന്ദ്രത്തില്‍ നവീകരിച്ച ഫാര്‍മസി, സ്റ്റോര്‍ റൂം എന്നിവ ഉദ്ഘാടനം ചെയ്തു. വെള്ളമുണ്ട ഗ്രാമപഞ്ചായത്ത് പ്രസിഡണ്ട് പി തങ്കമണി ഫാര്‍മസിയുടെയും, എന്‍എച്ച്എംപ്രോഗ്രാം മാനേജര്‍ ഡോക്ടര്‍ അഭിലാഷ് സ്റ്റോര്‍റൂം ഉദ്ഘാടനവും നിര്‍വഹിച്ചു, പ്രാഥമിക ആരോഗ്യകേന്ദ്രം കുടുംബാരോഗ്യ കേന്ദ്രമാക്കുന്നതിന്റെ മുന്നോടിയായി നവീകരണത്തിന്റെ ഭാഗമായാണിത്.ചടങ്ങില്‍ ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ സക്കീന അധ്യക്ഷയായിരുന്നു, സ്റ്റാന്‍ഡിങ് കമ്മിറ്റി ചെയര്‍മാന്മാരായ എം സി ഇബ്രാഹിം ഹാജി,ആത്തിക്ക ഭായ്, വാര്‍ഡ് അംഗം പി എസ് കെ തങ്ങള്‍, മെഡിക്കല്‍ ഓഫീസര്‍ ഡോക്ടര്‍ മുഹമ്മദ് സൈദ്, ഹെല്‍ത്ത് ഇന്‍സ്‌പെക്ടര്‍ രാജേഷ്, വികസന സമിതി അംഗങ്ങള്‍, ആശുപത്രി ജീവനക്കാര്‍ തുടങ്ങിയവര്‍ പങ്കെടുത്തു.
