ലോക്ക്ഡൗണില്‍ പൊതുജനം ബുദ്ധിമുട്ടുമ്പോഴും വൈദ്യുതി ചാര്‍ജ് കുത്തനെ വര്‍ദ്ധിപ്പിച്ചതില്‍ പ്രതിഷേധിച്ച് വൈദ്യുതി മന്ത്രിക്കെതിരെ മണിമുഴക്കി പ്രകടനം നടത്തി യൂത്ത് കോണ്‍ഗ്രസ്.കമ്പളക്കാട് ടൗണ്‍ യൂത്ത് കോണ്‍ഗ്രസ് കമ്മിറ്റിയുടെ നേതൃത്വത്തിലാണ് വേറിട്ട പ്രതിഷേധം സംഘടിപ്പിച്ചത്.പ്രതിഷേധ പ്രകടനം വയനാട് ജില്ലാ സെക്രട്ടറി ഷൈജ വി.സി ഉദ്ഘാടനം ചെയ്തു.ടൗണ്‍ കോണ്‍ഗ്രസ് കമ്മിറ്റി പ്രസിഡന്റ് അഷറഫ് പഞ്ചാര,ടൗണ്‍ യൂത്ത് കോണ്‍ഗ്രസ് സെക്രട്ടറി നയീം സി.എ, ചെറിയോന്‍ അത്തിലന്‍, മുത്തലിബ് പഞ്ചാര,ജാസി,ഗണേഷ്,കെബീര്‍ തുടങ്ങിയവര്‍ പ്രകടനത്തിന് നേതൃത്വം നല്‍കി.
