കൊവിഡ് 19 ജാഗ്രത പാസില്‍ കൃത്രിമം നടത്തി സംസ്ഥാനത്തേക്ക് കടക്കാന്‍ ശ്രമിച്ച വിദേശി പിടിയില്‍.സ്വിറ്റ്‌സര്‍ലന്റ് സ്വദേശി ഡേവിഡ്(36) ആണ് പിടിയിലായത്. മൂന്നംഗ സംഘം ശനിയാഴ്ച വൈകിട്ടോടെയാണ് തമിഴ്‌നാട്ടില്‍ നിന്നും കുഞ്ഞോത്തേക്ക് പോകുന്നതിന്നായി മുത്തങ്ങ അതിര്‍ത്തിയില്‍ എത്തിയത്. ഇതില്‍ രണ്ട് പേര്‍ക്ക് പാസുണ്ടായിരുന്നു. എന്നാല്‍ സ്വിറ്റ്‌സര്‍ലന്റ്കാരനായ ഡേവിഡ് എന്നയാളുടെ പാസ് വ്യാജമാണന്ന് പരിശോധനയില്‍ കണ്ടെത്തി. തുടര്‍ന്ന് സുല്‍ത്താന്‍ ബത്തേരി പൊലീസ് ഇയാള്‍ക്കെതിരെ കേസെടുത്ത് ഇവരെ നിരീക്ഷണത്തില്‍ പാര്‍പ്പിച്ചിരിക്കുകയാണ്.
