അയല്‍ക്കാരിയെ മര്‍ദ്ധിച്ച് പരുക്കേല്‍പ്പിച്ച സംഭവത്തില്‍ അച്ഛനെയും മകനെയും തൊണ്ടര്‍നാട് പോലീസ് അറസ്റ്റ് ചെയ്തു.കോറോം ചിറമൂല തലപ്പുഞ്ചയില്‍ ബെന്നി(52),മകന്‍ സാലസ്(21)എന്നിവരെയാണ് എസ്‌ഐ മഹേഷും സംഘവും അറസ്റ്റ് ചെയ്തത്.ഇവരുടെ മര്‍ദ്ദനത്തില്‍ സ്ത്രീയുടെ കൈ പൊട്ടി ചികിത്സയിലാണ്.സ്ത്രീയുടെയും അയല്‍ക്കാരുടെയും പരാതി പ്രകാരം കേസന്വേഷിക്കാന്‍ ചെന്ന പോലീസുകാര്‍ മര്‍ദ്ദിച്ചെന്നാരോപിച്ച് പ്രതിയും കുടുംബവും കഴിഞ്ഞ ദിവസം വാര്‍ത്താ സമ്മേളനം നടത്തിയിരുന്നു.കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്റ് ചെയ്തു.
