കൊറോണ ഭീതി നിലനില്‍ക്കുന്ന സാഹചര്യത്തില്‍ വാഹന സൗകര്യമില്ലാത്തതിനാല്‍ ചികില്‍സ കിട്ടാതെ ബുദ്ധിമുട്ടുന്ന രോഗികളെ തേടി എടവക പി എച്ച് സിയിലെ മെഡിക്കല്‍ ടിം ഏറനാല്‍ കോളനി, ചേരുങ്കല്‍ കോളനി, കുണ്ടര്‍മൂല കോളനി, പനംകൂറ്റിമൂല എന്നി ആദിവാസി കോളനികളിലെത്തി . രോഗികളെ പരിശോദിക്കുകയും മരുന്നു നല്‍കുകയും ചെയ്തു. ഇതിനു പുറമെ കൊറോണ വ്യാപനം തടയുന്നതിനാവശ്യമായ മുന്‍ കരുതലുകളെപ്പറ്റി ബോധവല്‍ക്കരണവും നടത്തി. എടവക പഞ്ചായത്ത് പുതിയിടം കുന്ന് സെന്റ് പോള്‍സ് എല്‍ പി സ്‌കൂളില്‍ നടന്ന ക്യാമ്പ് ഹെഡ്മിസ്ട്രസ് ലിസി മാത്യൂ ഉദ്ഘാടനം ചെയ്തു.ഡോ. ധന്യ, ജെഎച്ച് ഐ സ്‌നോബി, ഷിബവര്‍ഗ്ഗിസ്, എന്നിവര്‍ ക്യാമ്പിന് നേതൃത്വം നല്‍കി.
