തിരുനെല്ലി പഞ്ചായത്തിലെ തോല്‍പ്പെട്ടിയില്‍ ഇന്‍സ്റ്റിറ്റിയൂഷണല്‍ ക്വാറന്റെയിനില്‍ പ്രവേശിപ്പിച്ച വ്യക്തി സ്ഥാപനത്തില്‍ നിന്നും മുങ്ങി. കോട്ടയം വാകത്താനം ചിറ്റേടത്ത് മണിക്കുട്ടന്‍ (42) ആണ് ക്വാറന്റെയിനില്‍ നിന്ന് ചാടിപ്പോയത്. കര്‍ണ്ണാടകത്തില്‍ നിന്നും തോല്‍പ്പെട്ടി ചെക്ക് പോസ്റ്റ് വഴി അനധികൃതമായി വയനാട്ടിലേക്ക് പ്രവേശിപ്പിച്ച ഇയാളെ പഞ്ചായത്തധികൃതര്‍ ഇടപെട്ട് തോല്‍പ്പെട്ടി ലോഡ്ജില്‍ ക്വാറന്റെയിനിലാക്കുകയായിരുന്നു. ഇന്നലെ രാവിലെ ഭക്ഷണം നല്‍കാനായി ചെന്നപ്പോഴാണ് ഇയാള്‍ ചാടിപ്പോയതായി അറിയുന്നത്. തുടര്‍ന്ന് പഞ്ചായത്ത് സെക്രട്ടറിയുടെ പരാതി പ്രകാരം തിരുനെല്ലി പോലീസ് കേസെടുത്തു
